Neurotransmisor monoamina

Os neurotransmisores monoaminas son compostos químicos que funcionan como neurotransmisores e neuromoduladores, que conteñen un grupo amino conectado a un anel aromático por medio dunha cadea de dous carbonos (como -CH₂-CH₂-). Exemplos son a dopamina, a norepinefrina e a serotonina.

Todas as monoaminas derivan de aminoácidos aromáticos como a fenilalanina, tirosina e triptófano pola acción de encimas aminoácido aromático descarboxilases. Son desactivadas no corpo polos encimas monoamino oxidases, que separan o grupo amino.

Sistemas monoaminérxicos, por exemplo as redes neuronais que usan neurotransmisores monoaminas, están implicados na regulación de procesos como a emoción, excitación e certos tipos memoria. Tamén desempeñan un importante papel na secreción e produción de neurotrofina-3 realizada polos astrocitos, un composto químico que mantén a integridade das neuronas e proporciona a estas soporte trófico.^[1]

As drogas que incrementan ou reducen o efecto de neurotransmisores monoamina utilízanse para tratar pacientes con trastornos psiquiátricos e neurolóxicos, incluíndo a depresión, ansiedade, esquizofrenia e párkinson.^[2]

1. ↑ Mele, Tina; Čarman-Kržan, Marija; Jurič, Damijana Mojca (2010). "Regulatory role of monoamine neurotransmitters in astrocytic NT-3 synthesis". International Journal of Developmental Neuroscience 28 (1): 13–9. PMID 19854260. doi:10.1016/j.ijdevneu.2009.10.003. 
2. ↑ Kurian, Manju A; Gissen, Paul; Smith, Martin; Heales, Simon JR; Clayton, Peter T (2011). "The monoamine neurotransmitter disorders: An expanding range of neurological syndromes". The Lancet Neurology 10 (8): 721–33. PMID 21777827. doi:10.1016/S1474-4422(11)70141-7.